Туршлага

2013 оноос хойш хөрөнгө оруулалтын банк, хөрөнгө оруулалтын багцын удирдлагаар Тэнгэр Санхүүгийн Нэгдэл, "Мандал даатгал" болон "Мандал Ассет Менежмент" ХХК-д ажиллаж байсан туршлагатай.

Өмнө нь алт, үл хөдлөх хөрөнгө, ноолуур, зочид буудал, ББСБ, даатгал, эмнэлэг, мах боловсруулах болон шилэн кабелийн сүлжээний салбарын томоохон төслүүдэд хөрөнгө оруулалт татах болон хөрөнгө оруулалт хийж байсан туршлагатай.

Мөн Монголын үнэт цаасны арилжаа эрхлэгчдийн холбоо ТББ-ын удирдах зөвлөлд сонгогдон ажиллаж байна.

Боловсрол

◉ Санхүү Эдийн Засгийн Их Сургууль - Санхүүгийн ШУ-ны бакалавр

◉ Бриджпортын Их Сургууль - Санхүүгийн ШУ-ны магистр

Туршлага

Сингапур дахь OCBC банканд Хувийн санхүүгийн зөвлөх, Janio Asia компанид Санхүүгийн үйл ажиллагааны хэрэгжилт, төлбөр тооцоо хариуцсан ахлах нягтлан бодогчоор ажиллаж байсан. Хувийн баялгийн удирдлага, санхүүгийн хэрэгслүүдийн талаар өргөн мэдлэгтэй бөгөөд олон улсын баг бүрдүүлэх, бүтэц үйл ажиллагааны тогтоолцоог бий болгох, шинэ программ хангамжийг нутагшуулах, бизнесийн үйл явцыг оновчтой болгоход гар бие оролцсон туршлагатай.

KPMG Mongolia-д Ахлах аудитораар ажиллах хугацаандаа санхүүгийн эрсдэлийн үнэлгээ, аудитын тайлангийн бүрдэл, дотоод хяналт, гэрээний хэрэгжилт болон байгууллагын үйл ажиллагааны хяналтын ажлуудыг дотоод болон гадаадын уул уурхай, үйлдвэрлэл, харилцаа холбоо, банк санхүүгийн салбарын томоохон байгууллагуудад хэрэгжүүлсэн өргөн туршлагатай.

Санхүүгийн зөвлөгөө, үйл ажиллагааны боловсронгуй системийг бий болгох, байгууллагадаа хөрөнгө оруулалт болон хөрөнгө цуглуулах, эрсдэлийг үнэлэхэд туслах, мөн олон улсын стандартад нийцсэн дотоод хяналтыг боловсронгуй болгох зорилт тавин ажиллаж байна.

Боловсрол

◉ Авсртралийн Монаш их сургууль - Нягтлан бодох бүртгэл, Банк болон санхүүгийн Бакалавр, Бизнесийн удирдлагийн Бакалавр

Туршлага

Зах зээлийн судалгаа, хөрөнгийн судалгаа, санхүүгийн загварчлал, худалдан авалт чиглэлээр гадаад болон дотоодын олон компанид ажиллаж байсан туршлагатай. Ногоон бонд гаргалт нь хувьцааны зах зээлд богино хугацааны үр нөлөөтэй хэдий ч урт хугацаанд тухайн нөлөө нь арилдаг тухай судалгааны ажил бичиж магистрын зэрэг хамгаалж байсан.

Боловсрол

◉ Тайванийн Азийн Их Сургууль - Нягтлан бодох, Компьютерийн ШУ-ны бакалавр

◉ Японы Олон Улсын Их Сургууль - Маркетинг, Санхүүгийн ШУ-ны магистр

Туршлага

2017 оноос хойш төслийн санхүүжилт, санхүүгийн төлөвлөлт, төслийн үйл ажиллагааны хяналт, санхүүжилтийн эргэн төлөлт болон төсөл хэрэгжүүлэх ажлын зохион байгуулалт чиглэлээр ажилласан. Ажлын гараагаа эхэлснээс хойш 200 тэрбум төгрөгийн санхүүжилтийн багц бүхий 10 гаруй төсөл дээр ажилласан бөгөөд тэдгээрийн үйл ажиллагааны дамжлага, явцын хяналт, эргэн төлөлт, төслийн гүйцэтгэл, дахин санхүүжилт, гэрээ хэлцэл болон төлбөрийн удирдлага зэрэг дээр ажиллаад байна.

Боловсрол

◉ Манчестерийн их сургууль - ОУ-ын бизнес, санхүү, эдийн засгийн ШУ-ны бакалавр

◉ Иллинойсын их сургууль - Менежментийн ШУ-ны магистр